Gənclər və idman naziri Fərid Qayıbov yenidən Avropa Gimnastikasının prezidenti seçilib.
Sportnet.az Avropa Gimnastikasının rəsmi səhifəsinə istinadən xəbər verir ki, azərbaycanlı funksionerə Çexiyanın paytaxtı Praqada keçirilən 31-ci Konqresdə üçüncü dəfə belə bir mühüm etimad göstərilib.
Bu seçim onun təşkilatın inkişafına verdiyi mühüm töhfələr və rəhbərliyi dövründə əldə olunan uğurlar qarşılığında gerçəkləşib.
Nizamnaməyə görə, bu, həm də sonuncu müddət olacaq.
Qeyd edək ki, Fərid Qayıbov ilk dəfə 2017-ci ildə, daha sonra 2022-ci ildə Avropa Gimnastikasının prezidenti seçilib.
