Bu gün Avropa Liqasının qrup mərhələsində çıxış edən Azərbaycanın "Qəbələ" klubu növbəti oyununu keçirib. Sportnet.az-ın məlumatına görə, C qrupunda mübarizə aparan "Qəbələ"nin rəqibi Fransa "Sent-Etyen"i olub.
"Qırmızı-qaralar" ardıcıl 3-cü məğlubiyyətini alaraq qrupdan çıxmaq şansını azaldıb. Vurulan yeganə qolun müəllifi topu öz qapısına göndərən "Qəbələ"nin braziliyalı müdafiəçisi Rikardinyo olub.
Xatırladaq ki, Roman Qrqiorçukun komandası ilk olaraq Belçikada "Anderlext"ə 1:3, ardından Bakıda Almaniya "Maynts"ına 2:3 hesabı ilə uduzub. Göründüüy kimi, bu dəfə "Qəbələ" qol vurmağa da müvəffəq olmayıb.
Avropa Liqası, qrup mərhələsi, III mərhələ
20 oktyabr
23:05. "Sent-Etyen" (Fransa) - "Qəbələ" (Azərbaycan) - 0:1
Qol: Rikardinyo, 70-öz qapısına
Baş hakim: Ali Palabıyık
Yan xətt hakimləri: Cem Satman, Ekrem Kan
Əlavə köməkçi hakimlər: Alper Ulusoy, Volkan Bayarslan
Dördüncü hakim: Ceyhun Sesiguzel (hamısı Türkiyə)
Hakim inspektor: Laszlo Vaqner (Macarıstan)
UEFA nümayəndəsi: Yakob Erel (İsrail)
Sent-Etyen. Joffrua Qişar Stadionu
Xal durumu: "Maynts" - 5. "Anderlext" - 5. "Sent-Etyen" - 5. "Qəbələ" - 0.
