Azərbaycan milli komandasının bu gün açıqlanan FİFA-nın reytinqdə fantastik sıçrayışı ümumi sıralamada rekord göstərici olmayıb. Sportnet.az-ın məlumatına görə, futbol yığmalarının dünyadakı son reytinqində ən çox irəliləyən Monteneqro yığması olub.
Keçmiş Yuqoslaviya təmsilçisi 49 pillə irəliləyərək 56-cı yerə yüksəlib. Bu isə millimizdən 4 pillə çox deməkdir. Azərbaycan millisi kimi 45 pillə irəliləyişə dünya futbolunda demək olar tanınmayan yığma nail olub. Bu, Kürasao milli komandasıdır. CONCACAF-a daxil olan Cənubi Amerika təmsilçisi 77-ci mövqedə qərarlaşıb və millimizi 11 pillə qabaqlayır.
