Azərbaycan UEFA-nın reytinqində 1 pillə irəliləyib. Sportnet.az-ın məlumatına görə, ölkəmiz Avropa Liqasında cari mövsümdə ilk qələbə qazanan "Qarabağ”ın sayəsində hesabına 0.500 xal yazıb.
Bununla da 1 pillə irəliyərək 24-cü yerə qalxan Azərbaycan 17.250 xalla Kipri qabaqlayıb. Ada təmsilçisi bizdən 0.200 xal geridədir. Ölkəmizi 1 pillə qabaqlayan İsrailin 17.875 xalı var və 0.625 xal üstündür. "Qəbələ” Fransada "Sent-Etyen”ə uduzduğundan aktivimizə xal yazdıra bilməyib.
"Qarabağ” cari növsümdə qazanılan xallara (3.750) görə artıq "Qəbələ”ni keçib. Belə ki, Ağdam klubu 1.625, "qırmızı-qaralar” 1.375 xal toplayıb. "Neftçi” ilə "Kəpəz” hərəyə 0.375 xal yığıblar.
Qeyd edək ki, qrupda qələbəyə görə 0.500, heç-heçəyə görə 0.250 xal verilir. Bu isə təsnifat mərhələsində müvafiq nəticələrə görə verilən xallardan 2 dəfə çoxdur.
