Bu gün müstəqil Azərbaycan mətbuatının ən uzunömürlü layihələrindən olan "Futbol+" qəzetinin 19 yaşı tamam olur.
Mətbuatın hazırkı çətin durumunda bu nəşr nəinki ayaqda qalmağı, hətta ildən-ilə inkişaf etməyi bacarıb. 1997-ci il oktyabrın 21-də kiçik kollektivlə işə başlayan qəzet ötən müddətdə 50-dən çox bacarıqlı kadrlar yetişdirib. Hazırda onlar nəinki "Futbol+"in özündə, hətta müxtəlif dövlət qurumlarında, telekanallarda, klublarda, agentlik və saytlarda yüksək vəzifələrdə çalışırlar.
Həftədə 5 dəfə işıq üzü görən qəzetin bu gün 3642-ci sayı oxucularla görüşə gəlib.
Sportnet.az saytı "Futbol+" məktəbinin rəhbəri Mahir Rüstəmli başda olmaqla, qəzetin hazırkı kollektivini və məzunlarını əlamətdar gün münasibətilə təbrik edir, daha böyük yaradıcılıq uğurları arzulayır.
