AVRO-2020-nin seçmə mərhələsində daha 3 qrupda II turun oyunlarına yekun vurulub.
Sportnet.az-ın məlumatına görə, C qrupunda Hollandiya yığması Almaniyanı qəbul edib. Görüş qonaqların 3:2 hesablı qələbəsi ilə yekunlaşıb. Bundestim ilk yarını 2:0 hesabı ilə öndə tamamlasa da, fasilədən sonra "narıncılar" hesabı bərabərləşdiriblər. Lakin 90-cı dəqiqədə Almaniya millisindən Niko Şults qələbə topunu vurub. Qrupun digər oyununda Şimali İrlandiya yığması da Belarus üzərində qələbəni son dəqiqələrdə əldə edib. Bu, britaniyalıların qrupda ardıcıl ikinci qələbəsi olub.
G qrupunda İsrail Avstriyanı 4:2 hesabı ilə yenib. Qalib komandadan Eran Zahavi "het-trik", qonaqlardan isə Marko Arnautoviç "dubl" edib. Polşa yığması azərbaycanlı referi Əliyar Ağayevin idarə etdiyi görüşdə Latviyaya qalib gəlib - 2:0. Sloveniya - Macarıstan matçında isə qalib müəyyənləşməyib - 1:1.
I qrupunda isə Rusiya səfərdə Qazaxıstana 4:0 hesabı ilə qalib gəlib. Bununla da meydan sahiblərinin ilk turda Şotlandiya üzərində 3:0 hesablı qələbəsindən sonra yeni sensasiyanın gerçəkləşməsinə imkan verilməyib. Qollardan 2-ni isə Denis Çerışev vurub.
Şotlandiyanın özü isə bu dəfə səfərdə San-Marinoya qalib gəlməyi bacarıb - 2:0. Belçika isə səfərdə Kipri eyni hesabla yenərək, 6 xalla qrup lideri olub.
Qeyd edək ki, E qrupunun oyunlarında Uels Slovakiyaya 1:0, Macarıstan Xorvatiyaya 2:1 hesabı ilə qalib gəlib. Beləliklə, bu komandaların hamısı eyni miqdarda - 3 xal toplayıb. Yalnız Azərbaycan millisi xalsızdır.
------------------
AVRO-2020-nin seçmə qrup mərhələsində II tura start verilib.
Sportnet.az-ın məlumatına görə, Azərbaycan millisinin yer aldığı qrupda iki oyun keçirilib. Mübarizəyə yeni başlayan Uels yığması "Kardiff Siti" stadionunda Slovakiyanı qəbul edib. Görüş meydan sahiblərinin qələbəsi ilə yekunlaşıb - 1:0. Yeganə qolu 5-ci dəqiqədə Daniel Ceyms vurub.
Qrupun digər oyununda Macarıstan Xorvatiya ilə üz-üzə gəlib. Budapeştdəki "Groupama Arena"da təşkil olunmuş qarşılaşmada yerli komanda qalib gəlib - 2:1. Hesabı 13-cü dəqiqədə qonaq komandadan Ante Rebiç açıb. Lakin 34-cü dəqiqədə Adam Salai, 76-cı dəqiqədə Mate Patkai fərqlənib.
Bu oyunlardan sonra E qrupunda 5 komandadan 4-nün xalları bərabərləşib. Slovakiya, Macarıstan və Xorvatiyanın 2, Uelsin 1 oyundan sonra 3 xalı var. Cəmi 1 matç keçirən Azərbaycan millisi isə xalsızdır. Növbəti turda yığmanın rəqibi Macarıstan olacaq. Görüş iyunun 8-də "Bakcell Arena"da keçiriləcək.
-----------------------
Bu gün 2020-ci il Avropa çempionatında seçmə mərhələnin II turuna start veriləcək. Sportnet.az-ın məlumatına görə, turun ilk oyun günündə 4 qrupda 10 qarşılaşma keçiriləcək.
E qrupunda Macarıstan Xorvatiyanı, Uels Slovakiyanı qəbul edəcəyi halda, Azərbaycan millisi rəsmi matça çıxmayacaq. İlk turda Slovakiya Macarıstanı 2:0, Xorvatiya isə Azərbaycanı 2:1 hesabı ilə yenib.
Günün mərkəzi oyunu C qrupunda Hollandiya və Almaniya yığmaları arasında olacaq. İlk turda "narıncılar" Belarusu darmadağın edib, Bundestim isə rəqibsiz qalıb. Qrupun digər matçında Şimali İrlandiya Belarusu sınağa çəkəcək.
G qrupunda İsrail Avstriyanı, Sloveniya Makedoniyanı, Polşa Latviyanı qəbul edəcək. Polşadakı qarşılaşmanı Əliyar Ağayevin rəhbərliyi altında azərbaycanlı hakimlər briqadası idarə edəcək.
I qrupunda isə Qazaxıstan - Rusiya, San-Marino - Şotlandiya, Kipr - Belçika qarşılaşmaları oynanılacaq.
AVRO-2020, seçmə mərhələ
II tur
24 mart
C qrupu
23:45. Şimali İrlandiya - Belarus - 2:1
Qollar: Conni Evans, 30. Coş Magennis, 87 - İqor Staseviç, 33
23:45. Hollandiya - Almaniya - 2:3
Qollar: Matteys De Liqt, 48; Memfis Depay, 63 - Leroy Sane, 15. Serj Qnabri, 34. Niko Şults, 90
Xal durumu: Şimali İrlandiya - 6, Almaniya - 3, Hollandiya - 3, Estoniya - 0, Belarus - 0.
E qrupu
18:00. Uels - Slovakiya - 1:0
Qol: Daniel Ceyms, 5
21:00. Macarıstan - Xorvatiya - 2:1
Qollar: Adam Salai, 34. Mate Patkai, 76 - Ante Rebiç, 13
Xal durumu: Slovakiya - 3, Uels - 3, Macarıstan - 3, Xorvatiya - 3, Azərbaycan - 0.
G qrupu
21:00. İsrail - Avstriya - 4:2
Qollar: Eran Zahavi, 34; 45; 55. Munas Dabbur, 66 - Marko Arnautoviç, 8; 75
23:45. Sloveniya - Makedoniya - 1:1
Qollar: Miha Zayts, 34 - Enis Bardi, 47
23:45. Polşa - Latviya - 2:0
Qollar: Robert Levandovski, 76. Kamil Qlik, 84
Xal durumu: Polşa - 6, İsrail - 4, Makedoniya - 4, Sloveniya - 2, Avstriya - 0, Latviya - 0.
I qrupu
18:00. Qazaxıstan - Rusiya - 0:4
Qollar: Denis Çerışev, 19; 45+2. Artyom Dzyuba, 52. Abzal Beysebekov, 62 (öz qapısına)
21:00. San-Marino - Şotlandiya - 0:2
Qollar: Kenni Maklin, 4; Conni Rassell, 74
23:45. Kipr - Belçika - 0:2
Qollar: Eden Azar, 10. Mişi Batşuayi, 18
Xal durumu: Belçika - 6, Rusiya - 3, Qazaxıstan - 3, Kipr - 3, Şotlandiya - 3, San-Marino - 0.
