Azərbaycan Premyer Liqasında XIX tura yekun vurulub.
Sportnet.az-ın məlumatına görə, günün ikinci matçında "Zirə" indiyədək ölkə çempionatında məğlub edə bilmədiyi "Qarabağ"la üz-üzə gəlib.
Zirə İdman Kompleksinin stadionunda keçirilmiş qarşılaşma Ağdam təmsilçisinin 2:0 hesablı qələbəsi ilə yekunlaşıb.
"Köhlən atlar"ın heyətində 3-cü dəqiqədə Xayme Romero, 32-ci dəqiqədə isə Patrik Andrade fərqlənib.
"Qarabağ" qələbə sayəsində 39-cu xalını qazanıb və lider "Neftçi" ilə birlikdə zirvəyə şərik olub. "Zirə" isə 29 xalla üçüncüdür.
Qeyd edək ki, günün ilk matçında "Qəbələ" evdə "Səbail"lə bərabərə qalıb - 1:1. Turun ilk iki oyununda "Neftçi" "Zirə"ni 3:1 hesabı ilə yenib, "Sabah" "Sumqayıtla" heç-heçə edib - 1:1.
----------------------------------------
Azərbaycan Premyer Liqasında XIX turun daha bir görüşü "Qəbələ" və "Səbail" komandaları arasında keçirilib. Sportnet.az-ın məlumatına görə, Qəbələ şəhər stadionunda təşkil olunmuş qarşılaşma 1:1 hesablı heç-heçə ilə yekunlaşıb.
Hesabı 57-ci dəqiqədə qonaqların hücumçusu Amil Yunanov açıb. O, ilk komandasını əks-hücum nəticəsində məyus edib. Bundan 9 dəqiqə sonra Yunanovun komanda yoldaşı Ruslan Hacıyev qırmızı vərəqə alıb. Meydan sahibləri say üstünlüyündən 79-cu dəqiqədə yararlanmağı bacarıb. Cavid Hüseynovun ötürməsindən sonra Rafael Utriq başla dəqiq zərbə endirib.
Bu nəticədən sonra xalını 22-yə çatdıran "Qəbələ" 5-ci, 22 xala malik "Səbail" 6-cı pillədə qalıb.
Qeyd edək ki, turun ilk iki oyununda "Neftçi" "Zirə"ni 3:1 hesabı ilə yenib, "Sabah" "Sumqayıtla" heç-heçə edib - 1:1. Tura bu gün saat 17:15-də başlanacaq "Zirə" - "Qarabağ" görüşü ilə yekun vurulacaq.
----------------------------------
Bu gün Azərbaycan Premyer Liqasında XIX turun son iki görüşü keçiriləcək.
Sportnet.az-ın məlumatına görə, günün ilk matçı Qəbələdə eyniadlı komanda ilə "Səbail" arasında olacaq. Hazırda əyalət təmsilçisi 21 xalla 5-ci, paytaxt klubu isə 17 xalla 6-cı pillədə qərarlaşıb.
Bu günədək ölkə çempionatında 13 dəfə üz-üzə gəlmiş komandaların duelində "qırmızı-qaralar" 6, "dənizçilər" isə 3 qələbə qazanıb. Meydan sahiblərinin vurduğu 23 qola qonaqlar 14 topla cavab veriblər. "Qəbələ” son 7 matçda meydanı qolsuz tərk etməyib. “Səbail” isə səfərdə qalib gəlməyib.
Tura "Zirə" - "Qarabağ" oyunu ilə yekun vurulacaq. 18 oyundan 33 xal toplayan Ağdam klubu 2-ci sırada yer alıb. Qəsəbə təmsilçisi isə 29 xalla 3-cüdür.
Zirə İdman Kompleksinin stadionunda oynanılacaq görüş komandaların Premyer Liqada 22-ci dueli olacaq. İndiyədək baş tutmuş 21 matçın 15-də qonaqlar qalib gəliblər. 6 oyun isə heç-heçə başa çatıb. "Zirə” heç vaxt qələbə qazanmayıb. Topların nisbətində də "köhlən atlar"ın aşkar üstünlüyü var - 46:10. “Qarabağ” son iki səfərdə qol buraxmayıb.
Azərbaycan Premyer Liqası
XIX tur
9 mart
15:00. "Qəbələ” – “Səbail” - 1:1
Qollar: Rafael Utriq, 78 - Amil Yunanov, 57
Qırmızı vərəqə: Ruslan Hacıyev, 66 ("Səbail")
Hakimlər: Rəhim Həsənov, Cəmil Quliyev, Eyyub İbrahimov, İnqilab Məmmədov
Hakim-inspektor: Əmrah İbrahimov
AFFA nümayəndəsi: Seymur Səlimli
Qəbələ şəhər stadionu.
17:15. "Zirə” – “Qarabağ” - 0:2
Qollar: Xayme Romero, 3. Patrik Andrade, 32
Hakimlər: Elçin Məsiyev, Elşad Abdullayev, Kamran Bayramov, Kamal Umudlu
Hakim-inspektor: Zöhrab Qədiyev
AFFA nümayəndəsi: Əsgər Əmirəliyev
Zirə İdman Kompleksinin stadionu.
Qeyd edək ki, ötən gün keçirilmiş matçlarda "Sabah" evdə "Sumqayıt"la 1:1 hesablı heç-heçə edib, "Neftçi" isə "Keşlə" üzərində inamlı qələbə qazanıb - 3:1.
