Azərbaycan Premyer Liqasında XX turun daha bir oyunu keçirilib.
Sportnet.az-ın məlumatına görə, "Kapital Bank Arena"da "Sumqayıt" və "Keşlə" komandaları üz-üzə gəlib. FIFA referisi Elçin Məsiyevin idarə etdiyi görüş 2:2 hesablı heç-heçə ilə yekunlaşıb.
Qonaq komandadan hər iki qolu Azər Salahlı 4-cü və 74-cü dəqiqələrdə vurub. Lakin Cəmaləddin Xocaniyazov 48-ci, Rəhim Sadıxov isə 79-cu dəqiqədə meydan sahiblərinin bərabərlik qollarını vurub.
Bu nəticədən sonra xalını 26-ya yüksəldən "Sumqayıt" 4-cü, 17-ci xalını qazanan "Keşlə" isə 7-ci pillədə qalıb.
Qeyd edək ki, turun açılış oyununda "Qarabağ" evdə "Sabah"ı yenib - 2:0. Tura martın 14-də keçiriləcək "Qəbələ" - "Zirə" və "Neftçi" - "Səbail" görüşləri ilə yekun vurulacaq.
---------------------------
Azərbaycan Premyer Liqasında XX tura start verilib.
Sportnet.az-ın məlumatına görə, turun açılış matçında "Qarabağ" sonuncu pillədə qərarlaşan "Sabah"ı qəbul edib.
"Azərsun Arena"dakı qarşılaşma Ağdam təmsilçisinin 2:0 hesablı qələbəsi ilə yekunlaşıb. Meydan sahiblərinin heyətində Filip Ozobiç 15-ci dəqiqədə penaltidən yararlana bilməyib. 30 yaşlı xorvatiyalı yarımmüdafiəçi 42-ci dəqiqədə hesabı açmağa müvəffəq olub. 73-cü dəqiqədə isə Mahir Emreli fərqi iki topa çatdırıb.
"Qarabağ" qələbə sayəsində 42-ci xalını qazanıb və bir günlük də olsa vahid olub. "Sabah" isə 16 xalla sonuncudur.
Qeyd edək ki, günün digər oyununda "Sumqayıt" "Keşlə" ilə qarşılaşacaq. Turun 2 görüşü martın 14-də oynanılacaq. "Qəbələ" "Zirə"ni, "Neftçi" "Səbail"i qəbul edəcək.
-------------------
Bu gün Azərbaycan Premyer Liqasında XX tura start veriləcək. Sportnet.az-ın məlumatına görə, ilk oyun günündə 2 qarşılaşma baş tutacaq.
Günün ilk matçında 39 xalla turnir cədvəlinin 2-ci pilləsində qərarlaşan "Qarabağ" və 16 xalla sonuncu sırada yer alan "Sabah" komandaları üz-üzə gələcəklər. Visente Qomeslə vidalaşan Masazır təmsilçisini "Azersun Arena"dakı matça baş məşqçi səlahiyyətlərini yerinə yetirən Ramin Quliyev çıxaracaq.
Klublar ölkə çempionatında 9 dəfə bir-birilərinə rəqib olublar. Bu görüşlərin 6-da Ağdam təmsilçisi qələbə qazanıb, 3 oyun heç-heçə başa çatıb. "Sabah" indiyədək "köhlən atlar"ı məğlub edə bilməyib. Qurban Qurbanovun başçılıq etdiyi kollektiv 4 oyundur evdə qol buraxmır. Topların fərqi də "Qarabağ"ın xeyrinədir - 14:3.
Günün son qarşılaşması Sumqayıtda olacaq. Şəhərin eyniadlı komandası "Kapital Bank Arena"da "Keşlə"ni sınağa çəkəcək. Bu, komandaların Premyer Liqada 34-cü dueli olacaq. Əvvəlki 33 oyunun 8-də meydan sahibləri, 16-da qonaqlar qalib gəliblər. Paytaxt klubunun vurduğu 49 qola "gənclik şəhəri" təmsilçisi 32 topla cavab verib. Son 3 görüşdə meydan sahibi olan komanda qələbə qazanmayıb. “Sumqayıt” son 3 ev oyununda qalib gəlməyib.
Azərbaycan Premyer Liqası
XX tur
13 mart (şənbə)
17:00. “Qarabağ” – “Sabah” - 2:0
Qollar: Filip Ozobiç, 42. Mahir Emreli, 73
Qeyri-dəqiq penalti: Filip Ozobiç, 15 ("Qarabağ")
Hakimlər: Orxan Məmmədov, Akif Əmirəli, Zeynal Zeynalov, Əliyar Ağayev
Hakim-inspektor: Anar Salmanov
AFFA nümayəndəsi: Ramiz Mustafayev
“Azersun Arena”
19:15. “Sumqayıt” –“ Keşlə” - 2:2
Qollar: Camaləddin Xocaniyazov, 48. Rəhim Sadıxov, 79 - Azər Salahlı, 4; 74
Hakimlər: Elçin Məsiyev, Elşad Abdullayev, Müslüm Əliyev, Rəşad Əhmədov
Hakim-inspektor: Ramil Diniyev
AFFA nümayəndəsi: Elgiz Abbasov
“Kapital Bank Arena”
Qeyd edək ki, turun digər 2 görüşü martın 14-də oynanılacaq. "Qəbələ" "Zirə"ni, "Neftçi" "Səbail"i qəbul edəcək.
