Azərbaycan Premyer Liqasında XX tura yekun vurulub.
Sportnet.az-ın məlumatına görə, turun son oyununda "Neftçi" "Bakcell Arena"da "Səbail"lə qarşılaşıb. Görüş meydan sahiblərinin 4:0 hesablı qələbəsi ilə başa çatıb.
Matçda hesabı 5-ci dəqiqədə Namik Ələskərov açıb. 65-ci dəqiqədə Stiven Monroz "ağ-qaralar"ın üstünlüyünü 2 topa çatdırıb. 4 dəqiqə sonra Yusuf Laval baxımlı qolla rəqibi 3-cü dəfə məyus edib. Görüşdə son nöqtəni isə 75-ci dəqiqədə Mert Çelik qoyub.
Bu qələbədən sonra xallarını 42-yə çatdıran "Neftçi" zirvədəki yerini qoruyub. "Səbail" isə 18 xalla 6-cı pillədə qalıb.
Qeyd edək ki, günün ilk matçında "Zirə" Qəbələdə eyniadlı komanda ilə bərabərə qalıb - 1:1. İlk oyun günündə baş tutmuş qarşılaşmalarda "Qarabağ" evdə "Sabah"ı 2 cavabsız qolla məğlub edib, "Sumqayıt" isə "Keşlə" ilə 2:2 hesablı heç-heçəyə razılaşıb.
------------------------------
Azərbaycan Premyer Liqasında XX turun daha bir oyunu keçirilib.
Sportnet.az-ın məlumatına görə, günün ilk matçında "Qəbələ" "Zirə"ni qəbul edib. Qəbələ şəhər stadionunda təşkil olunmuş qarşılaşma heç-heçə ilə yekunlaşıb - 1:1. Hesabı 23-cü dəqiqədə meydan sahiblərindən Vinko Medimoreç vurub.
Bu qoldan 6 dəqiqə sonra "Qəbələ"dən Merab Giqauri birbaşa qırmızı vərəqə ilə meydandan qovulub. Qonaqlar say üstünlüyündən 90+4-cü yeni transfer Fakundo Melivilonun qolu ilə yararlanmağı bacarıblar.
Bu nəticədən sonra xalını 30-a çatdıran "Zirə" 3-cü, 23-cü xalını qazanan "Qəbələ" 5-ci pillədə qalıb.
Turun ilk oyun günündə "Qarabağ" "Sabah"ı 2:0 hesabı ilə yenib, ""Sumqayıt" - "Keşlə" matçında isə məhsuldar heç-heçə qeydə alınıb - 2:2. Tura saat 17:15-də başlanacaq "Neftçi" - "Səbail" matçı ilə yekun vurulacaq.
------------------------
Bu gün keçiriləcək 2 görüşlə Azərbaycan Premyer Liqasında XX tura yekun vurulacaq.
Sportnet.az-ın məlumatına görə, oyunlardan biri əyalətdə, digəri isə paytaxtda baş tutacaq.
Günün ilk matçı Qəbələdə eyniadlı kollektiv ilə "Zirə" arasında olacaq. "Qırmızı-qaralar" 29 xalla 3-cü, "qartallar" isə 22 xalla 5-ci pillədə qərarlaşıb. Komandalar indiyədək ölkə çempionatında 21 dəfə üz-üzə gəliblər. Bunların 7-də meydan sahibləri, 5-də isə qonaqlar qələbə qazanıblar. Topların fərqi də bölgə təmsilçisinin xeyrinədir - 25:19. “Zirə” son 3 oyunda meydanı qolsuz tərk etməyib. “Qəbələ” isə 8 matçdır evdə uduzmur.
Turun son oyunu "Bakcell Arena"da gerçəkləşəcək. Hazırda 39 xalla 2-ci olan "Neftçi" 18 xalla 6-cı pillədə yer alan "Səbail"i sınağa çəkəcək. Komandaların bunadək Premyer Liqadakı 13 duelində flaqmanın aşkar üstünlüyü nəzərə çarpır. "Ağ-qaralar" rəqibini 8 dəfə məğlub etdiyi halda, "dənizçilər" cəmi 2 oyunda qələbə sevinci yaşayıb. Bu matçlarda meydan sahibləri 26, qonaqlar isə 10 qol vurublar. “Neftçi” 6 oyundur "Səbail"ə uduzmur. Son üç görüşdə hər iki komanda qol vurub.
Azərbaycan Premyer Liqası
XX tur
14 mart (bazar)
15:00. “Qəbələ” –“Zirə” - 1:1
Qollar: Vinko Medimoreç, 23 - Fakundo Melivilo, 90+4
Qırmızı vərəqə: Mehrab Giqauri, 29 ("Qəbələ")
Hakimlər: Vüqar Həsənli, Pərvin Talıbov, Cəmil Quliyev, Rəhim Həsənov
Hakim-inspektor: Feyzulla Feyzullayev
AFFA nümayəndəsi: Eldəniz Musayev
Qəbələ şəhər stadionu.
17:15. “Neftçi” – “Səbail” - 4:0
Qollar: Namik Ələskərov, 5, Stiven Monroz, 65, Yusuf Laval, 69, Mert Çelik, 75
Hakimlər: Kamal Umudlu, Cavanşir Yusifov, Rahil Ramazanov, Tural Qurbanov
Hakim-inspektor: Babək Quliyev
AFFA nümayəndəsi: Erkin Hüseynov
“Bakcell Arena”.
Qeyd edək ki, turun ilk iki oyununda "Qarabağ"da evdə "Sabah"a 2 cavabsız qolla qalib gəlib, "Sumqayıt" isə "Keşlə" ilə heç-heçə edib - 2:2.
