Futbol üzrə Azərbaycan Kubokunda 1/8 final mərhələsinə yekun vurulub.
Sportnet.az-ın məlumatına görə, bu raundun son oyununda "Sabah" evdə I Divizion təmsilçisi "Qaradağ Lökbatan"ı qəbul edib. "Bank Respublika Arena"dakı qarşılaşma meydan sahiblərinin 5:0 hesablı qələbəsi ilə başa çatıb.
Paytaxt klubundan qolları 33-cü dəqiqədə Davit Volkov, 39-cu dəqiqədə Bəxtiyar Həsənalızadə və 61-ci, 88-ci və 90+1-ci dəqiqələrdə Emmanuel Apeh vurub.
Bu nəticədən "Sabah" 1/4 finalda "Səbail"ə rəqib olub.
Qeyd edək ki, daha əvvəl "Səbail", "Turan Tovuz", "Qəbələ", "Zirə" və "Kəpəz" komandaları 1/4 finala vəsiqə qazanıb.
--------------------------------
Futbol üzrə Azərbaycan Kubokunda 1/4 finala vəsiqə qazanan daha iki komanda bəlli olub.
Sportnet.az-ın məlumatına görə, "Zirə" və "Kəpəz" növbəti raunda yüksəliblər.
Paytaxt təmsilçisi 1/8 finalda "Mingəçevir"i məğlub edib - 2:0. Qolları 30-cu dəqiqədə Dmitrios Çantakias, 60-cı dəqiqədə Rüstəm Əhmədzadə vurub. "Qartallar" 1/4 finalda "Neftçi" ilə üz-üzə gələcək.
"Kəpəz" isə "Sumqayıt"a qalib gəlib - 1:0. 9-cu dəqiqədə Mixeil Erqemlidze fərqlənib. Gəncə klubu 1/4 finalda "Turan Tovuz"la görüşəcək.
Qeyd edək ki, günün və mərhələnin sonuncu matçında "Sabah" "Qaradağ Lökbatan"ı sınağa çəkəcək. 1/8 finalın ilk oyunlarında "Səbail" MOİK-i 4:0, "Turan Tovuz" "Şamaxı"nı 1:0, "Qəbələ" isə "Araz Naxçıvan"ı 5:0 hesabı ilə üstələyib.
--------------------------------
Futbol üzrə Azərbaycan Kubokunda bu gün 1/8 final mərhələsinə yekun vurulacaq.
Sportnet.az-ın məlumatına görə, ikinci oyun günündə daha 3 qarşılaşma keçiriləcək.
İlk matçlar saat 14:00-da start götürəcək. "Mingəçevir" "Zirə"ni, "Kəpəz" "Sumqayıt"ı qəbul edəcək.
Birinci oyunun qalibi 1/4 finalda "Neftçi" ilə, növbəti görüşün güclüsü isə "Turan Tovuz"la üz-üzə gələcək.
Günün və mərhələnin sonuncu qarşılaşmasında "Sabah" "Qaradağ Lökbatan"ı sınağa çəkəcək. Bu cütün qalibi isə növbəti raundda "Səbail"ə rəqib olacaq.
Azərbaycan Kuboku, 1/8 final
23 noyabr (çərşənbə)
“Mingəçevir” – “Zirə” - 0:2
Qol: Dmitrios Çantakias, 30. Rüstəm Əhmədzadə, 60
Hakimlər: Emin Əliyev, Elman Kərimov, Elmin Süleymanov, Əkbər Əhmədov
Hakim-inspektor: Ramil Diniyev
Yaşar Məmmədzadə adına Mingəçevir şəhər stadionu, 14:00 (canlı/pfl.az)
“Kəpəz” – “Sumqayıt” - 1:0
Qol: Mixeil Erqemlidze, 9
Hakimlər: İnqilab Məmmədov, Namiq Hüseynov, Teymur Teymurov, Kamran Əliyev
Hakim-inspektor: Əmrah İbrahimov
Gəncə şəhər stadionu, 14:00 (canlı/ “CBC Sport”)
“Sabah” – “Qaradağ Lökbatan” - 5:0
Qollar: Davit Volkov, 33. Bəxtiyar Həsənalızadə, 39. Emmanuel Apeh, 61; 88; 90+1
Hakimlər: Səbuhi Bayramov, Tərlan Talıbzadə, Kərim Zeynalov, Fəridə Lütfəliyeva
Hakim-inspektor: Babək Quliyev
“Bank Respublika Arena”, 17:00 (canlı/ “CBC Sport”)
Qeyd edək ki, 1/8 final mərhələsinin ilk oyunlarında "Səbail" MOİK-i 4:0, "Turan Tovuz" "Şamaxı"nı 1:0, "Qəbələ" isə "Araz Naxçıvan"ı 5:0 hesabı ilə üstələyib.
