Rusiyanın "Dinamo" (Moskva) futbol komandasının baş məşqçisi Stanislav Çerçesov istefaya göndərilib. Sportnet.az-ın "TASS"a istinadən məlumatına görə, bu barədə qərar gələn həftə rəsmən açıqlanacaq.
Boşalan vəzifə klubun idman direktoru Andrey Kobelevə tapşırılacaq. Kobelev bir neçə gün öncə paytaxt təmsilçisinə idman direktoru təyin edilib.
Qeyd edək ki, "Dinamo" ötən mövsümün yekununda Çempionlar Liqasına vəsiqə qazana bilməyib. Üstəlik, klub maliyyə "feyr-pley"ini pozduğu üçün Avropa Liqasında iştirakdan məhrum edilib.
