2016-cı ilin ən yaxşı kişi və qadın ağırlıqqaldıranı adına namizədlər açıqlanıb. Sportnet.az-ın məlumatına görə, Beynəlxalq Ağırlıqqaldırma Federasiyasının (İWF) açıqladığı siyahıda hazırda Qazaxıstanı təmsil edən əslən azərbaycanlı atlet Nicat Rəhimov da var.
O, 62 kq-da olimpiya çempionu Oskar Figeroa (Kolumbiya), 56 kq-da dünya və ikiqat olimpiya çempionu Tsintsyuan Lun (Çin), 105 kq-da ikiqat Asiya, dünya və olimpiya çempionu Ruslan Nurudinov (Özbəkistan), 85 kq-da ikiqat dünya və olimpiya çempionu Kianuş Rustami (İran) və 105 kq-dan yuxarı çəkidə Avropa, dünya və olimpiya çempionu Laşa Talaxadze (Gürcüstan) ilə birgə bu ada namizəddir.
IWF-nin rəsmi saytı vasitəsilə aparılacaq səsvermə yanvarın 31-dək davam edəcək.
Qeyd edək ki, Nicat Rəhimov 77 kq çəkidə 2015-ci ildə dünya çempionu və 2016-cı il Rio-de-Janeyro Yay Olimpiya Oyunlarının qalibidir. O, 2014-cü ildən Qazaxıstanı təmsil edir.
