Türkiyədə voleybol kursuna qatılan tələbələrin məşqçi tərəfindən cinsi təcavüzə məruz qaldıqları ortaya çıxıb. Sportnet.az-ın məlumatına görə, adı E.Onur olaraq bildirilən 41 yaşlı məşqçi tələbələrin ailələrinin şikayəti əsasında polis tərəfindən saxlanılıb.
Yaşları 12-15 arasında olan idmançı qızlar məşqdə baş verənləri ailələrinə bildiriblər. Onların sözlərinə görə, E.Onur bir neçə tələbəsini yaxşı voleybolçu olmaq adı ilə otelə apararaq cinsi münasibətdə olub. Hadisənin üstü yeni gələn bir qızın qısa zamanda məşqlərdən imtina etməsi və səbəbini evdə ailəsinə bildirməsi nəticəsində açılıb.
Şikayətlərdən sonra E.Onur həbs olunub. Araşdırmalar zamanı məlum olub ki, 41 yaşlı məşqçi daha öncə təcavüz iddiası ilə saxlanılıb və ifadə verdikdən sonra sərbəst buraxılıb.
