İtaliyanın Linyano şəhərində Beynəlxalq Cüdo Federasiyasının hakimlər üçün seminarı keçirilib. Sportnet.az-ın məlumatına görə, seminarda ədalət təmsilçiləri beynəlxalq dərəcəli hakim adı almaq üçün imtahan veriblər.
Nəticədə Azərbaycanın ədalət təmsilçilərindən Arzu Acalova və Mətin Rəhimli beynəlxaq dərəcəli hakim adına layiq görülüblər. Onlar seminara Azərbaycan Cüdo Federasiyasının Hakimlər Komətisinin sədri, beynəlxalq dərəcəli hakim Fariz Hüseynovun rəhbərliyi altında qatılıblar. Hakimlər öncə nəzəri imtahan verib, sonra isə Linyanoda keçirilən gənclərin Avropa Kubokunun görüşlərini idarə ediblər.
