"Üçüncü yer böyük nəticədir. Əlbəttə, komandamız hər bir çəkidə çox güclü heyətə malikdir". Sportnet.az-ın məlumatına görə, bunu Rusiyanın Kazan şəhərində keçirilmiş cüdo üzrə Avropa çempionatının komanda yarışında bürünc medalçılardan olan Elxan Məmmədov deyib.
+90 kq çəkidə mübarizə aparan E.Məmmədov yığmanın bütün üzlərinə təşəkkürünü bildirib: "Baş məşqçimiz dedi ki, komanda yarışına da qatılmaq lazımdır. Biz də əlimizdən nə gəldisə, onu ortaya qoyduq. Tarixdə ilk dəfə Azərbaycan komandası cüdo üzrə üçüncü yeri tutdu. Bu, həqiqətən də böyük qələbədir. Çünki ilk dəfə olduğu üçün çox çətin idi. Fransalı ilə 3-cü yer uğrunda qarşılaşma da çox çətin keçdi. Amma 3:2 hesabı ilə qalib gəldik. Yığmamızın bütün üzvlərinə, prinsipial qarşılaşmadan qalib ayrılmağı bacardıqları üçün təşəkkürümü bildirirəm".
