Bu gün futbol üzrə Avropa Liqasında 1/4 finalın ilk oyunları keçirilib. Sportnet.az-ın məlumatına görə, bütün görüşlər eyni gündə baş tutub.
Yeganə heç-heçə bu mərhələnin mərkəzi oyununda qeydə alınıb. Erkən final sayılan "Borussiya" - "Liverpul" duelində qalib müəyyənləşməyib. Yurgen Klopp Dortmunda səfərində qələbə yaxın olsa da, keçmiş komandası olan Dortmund təmsilçisi məğlubiyyətdən xilas olub. Bununla belə, "Borussiya" evdə qol buraxdığından İngiltərədə işi çətin olacaq.
İspaniya derbisi "Sevilya"nın əzmkar qələbəsi ilə nəticələnib. "Şaxtyor" də səfərdə 2:1 hesablı qələbə qazanmaqla yarımfinala doğru böyük addım atıb. "Vilyarreal" isə bu hesablı qələbəni evdə qazandığından, "Sparta" ilə Praqanadkı cavab matçında işi heç də asan olmayacaq.
Avropa Liqası, 1/4 final, ilk oyunlar
23:05. "Borussiya" (Dortmund, Almaniya) - "Liverpul" (İngiltərə) - 1:1
Qollar Mats Hummels, 48 - Divok Oriqi, 37
Baş hakim: Karlos Velasko Karbalyo (İspaniya)
Dortmund. "Siqnal İduna Park"
23:05. "Atletik" (Bilbao, İspaniya) - "Sevilya" (İspaniya) - 1:2
Qollar: Aritz Aduris, 48 - Timoti Kolodjeyçak, 56, 84, İborra
Baş hakim: Mark Klattenburq (İngiltərə)
Bilbao. "San Mames"
23:05. "Vilyarreal" (İspaniya) - "Sparta" (Çexiya) - 2:1
Qollar: Sedrik Bakambu, 4, 63 - Yakub Brabek, 45+4
Baş hakim: Ovidiu Alin Xetseqan
Vilyarreal. "El Madriqal"
23:05. "Braqa" (Portuqaliya) - "Şaxtyor" (Ukrayna) - 1:2
Qollar: Vilson Eduardo, 89 - Yaroslav Rakitski, 45, Fakundo Fereyra, 75
Baş hakim: Yunas Erikkson (İsveç)
Braqa. "Braqa Munisipal"
Qeyd edək ki, cavab görüşləri aprelin 14-də keçiriləcək.
