"Barselona”nın İspaniya Primerasında uğursuzluq seriyası davam edir. Sportnet.az-ın məlumatına görə, çempionatın lideri bu dəfə "Real Sosyedad”la səfərə matçında məğlub olub – 0:1.
İkinci mövsümdür Luis Enrikenin baş məşqçi olduğu komanda son 3 turda yalnız 1 xal qazana bilib. Bundan öncə 2 matçda "Vilyarreal”la 2:2 hesablı bərabərlik və "Real Madrid”ə 1:2 hesablı məğlubiyyət qeydə alınıb. Nəticədə "Barsa” Luis Enrikenin vaxtında ilk dəfə çempionatda ardıcıl 3 oyunda qalib gələ bilməyib.
Qeyd edək ki, "Barselona" hazırda 32 oyundan 76 xalla liderdir. Onun ən yaxın izləyicisi olan "Atletiko” xal fərqini 3-ə endirə bilib.
