Futbol üzrə Azərbaycan Premyer Liqasının XXX tura yekun vurulub. Sportnet.az-ın məlumatına görə, son oyun günündə hər iki qarşılaşma meydan sahiblərinin minimal hesablı qələbəsi ilə yekunlaşıb.
"Zirə" "Xəzər Lənkəran"ı Nelson Bonilyanın qolu ilə üstələyib. Salvadorlu hücumçu qollarının sayını 14-ə çatdıraraq, bombardir olub. "Zirə" 59 xalla 2-ci, "Xəzər Lənkəran" 14 xalla 11-ci pillədə qalıb.
AZAL isə "Sumqayıt"ı Tural Hümbətovun ilk yarıda vurduğu gözəl qolla yenib. İkinci hissədə Aleksandr Qurulu meydan sahiblərinin penaltisini dəqiq yerinə yetirə bilməyib. Bununla belə, "təyyarəçilər" qələbəni qoruyaraq, 42 xalla 6-cı pillədə qalıb və Avropa Liqasına vəsiqə şanslarını davam etdirib. "Sumqayıt" isə yenə 29 xalla 8-ci pillədədir.
Azərbaycan Premyer Liqası, XXX tur
17 aprel (bazar)
"Zirə” – "Xəzər Lənkəran” - 1:0
Qol: Nelson Bonilya, 63
Hakimlər: Rəvan Həmzəzadə, Munis Abdullayev, Vüsal Qənbərov, Rəhim Həsənov
AFFA nümayəndəsi: Mübariz Hüseynov
Hakim-inspektor: Məhəmməd Məmmədov
Zirə İdman Kompleksinin stadionu, 16:30
AZAL – "Sumqayıt” - 1:0
Qol: Tural Hümbətov, 38
64-cü dəqiqədə Aleksandr Quruli penaltini qaçırdı (qapıçı)
Hakimlər: Fariz Yusifov, Vaqif Musayev, Azər Əsgərov, Ramil Əhmədov
AFFA nümayəndəsi: Elbrus Abbasov
Hakim-inspektor: Gülağa Cabarov
"AZAL Arena”, 19:00
