Fransada maraqlı oğurluq hadisəsi baş verib.
Sportnet.az-ın məlumatına görə, evlərin birinə qarət üçün girən iki oğru işlərini bitirmədən ev sahibi tərəfindən hadisə yerində görülüb.
Onlar qaçmağı bacarsalar da, çox keçmədən polis tərəfindən tutularaq istintaqa cəlb olunublar. Oğruların belə tez ələ keçməsinə səbəb isə onlardan birinin portuqaliyalı ulduz Kriştianu Ronalduya bənzəməsi olub. Polislərə qarətçilərin fotorobortunu hazırlamaq üçün onların üzlərini təsvir edən ev sahibi oğrulardan birinin sanki Ronaldunun əkizi olduğunu bildirib. Hərəkətə keçən polis isə bir neçə saat keçmədən 21 yaşındakı gənci saxlayıb.
O isə öz növbəsində bildirib ki, Ronalduya bənzəməsi ilk dəfədir başına bəla olur. Gənc evə oğurluq deyil, gecələməyə yer axtardığı üçün girdiyini iddia edib.
