Türkiyənin Antalya bölgəsində təlim-məşq toplanışında olan "Səbail” klubu Bolqarıstanın "Lokomotiv” (Plovdiv) komandası ilə yoldaşlıq oyunu keçirib.
Sportnet.az-ın məlumatına görə, oyun 3:1 hesabı ilə "Lokomotiv" komandasının xeyrinə başa çatıb. "Səbail"in yeganə qolunun müəllifi Vüqar Nadirov olub.
Yoxlama oyunu olduğu üçün baş məşqçi Samir Əliyev komandanın bütün futbolçularına şans verib.
18:00 "Səbail" - "Lokomotiv Plovdiv" 1:3
Qol: Vüqar Nadirov
"Səbail"in start heyəti: 25. Elxan Əhmədov, 4. Rahil Məmmədov, 5. Kərim Diniyev, 14. Nikoloz Apakidze, 26. Kamal Qurbanov, 23. Ayron Stati, 3. Tomazi Tsetsxaladze, 11. Elman Taqayev, 17. Vüqar Nadirov, 10. Nurlan Novruzov, 13. Yevgeni Koçuk
Qeyd edək ki, bundan əvvəl iki oyunda "Səbail” Ukraynanın "Çernomorets” və Serbiyanın "Napredak” komandaları ilə qarşılaşıb. Hər iki oyun müvafiq olaraq, 0:0 və 1:1 hesablı heç-heçələrlə bitib.
