İspaniyanın "Real Madrid" klubu futbolçusu Kazemiro ilə müqaviləni uzadıb.
Sportnet.az-ın "Marca"ya istinadən verdiyi məlumata görə, 30 iyun 2023-cü ilədək nəzərdə tutulmuş yeni sözləşmə bir neçə ay əvvəl imzalanıb. Braziliyalı yarımmüdafiəçi "kral klubu"nda 2013-cü ildən forma geyinir. 28 yaşlı oyunçu Madrid komandasına keçənədək vətənində "San Paulu"nun şərəfini qoruyub. 2014/2015 mövsümündə isə o, icarə əsasında Portuqaliya "Portu"sunda çıxış edib. Ötən yay "sambaçı"nı Fransa PSJ-si almaq istəyib.
Qeyd edək ki, Kazemiro 2019/2020 mövsümündə bütün yarışlarda "Real Madrid"in heyətində 35 oyuna çıxıb. O, 4 qol və 4 məhsuldar ötürmə ilə yadda qalıb. Hazırda "Real Madrid" La Liqada 56 xalla 2-ci pillədə qərarlaşıb.
