Türkiyədə təlim-məşq toplanışında olan Topaz Premyer Liqası klublarının və yığma komandaların hazırlıq prosesini yaxından izləmək məqsədilə Antalya şəhərində səfərdə olan Azərbaycan millisinin məqşçilər korpusu daha bir neçə oyuna baxıb. Sportnet.az-ın AFFA-nın rəsmi saytına istinadən məlumatına görə, millimizin baş məşqçisi Robert Prosineçki "Neftçi” - "Hajer” (Səudiyyə Ərəbistanı) oyununu izləyib.
Sonra R.Prosineçki və Yaşar Vahabzadə "Neftçi”nin baş məqşçisi Arif Əsədovla görüşüblər.
"Xəzər Lənkəran” – "Kemnitser” (Almaniya) matçını Elxan Abdullayev, Draqan Spasiç, Qordan Tsipriç, Yanko Yankoviç, Faiq Əzizov və Babək Alxasov, "Qəbələ” – "Eskişehirspor” (Türkiyə) qarşılaşmasını Elxan Abdullayev, Draqan Spasiç, Yanko Yankoviç və Babək Alxasov, "İnter” – "Kayrat” (Qazaxıstan) görüşünü isə Faiq Əzizov və Qordan Tsipriç izləyib.
