Türkiyənin Antalya bölgəsində hazırlıqlarını davam etdirən "Qəbələ" bu gün toplanış çərçivəsində 5-ci oyununu keçirib. Sportnet.az-ın məlumatına görə, Roman Qriqorçukun rəhbərlik etdiyi komanda Rusiya Premyer Liqasında çıxış edən Krasnodarın "Kuban” klubu ilə qarşılaşıb və məğlub olub - 0:2.
Krasnodar təmsilçisinin heyətində Tkaçov və Balde fərqlənib. Azərbaycan təmsilçisi oyuna bu heyətlə çıxıb:
22. Dmitri Bezotosnı (30. Anar Nəziov) 15. Ruslan Abışov (26. Mixail Sivakov) 44. Rafael Santos 7. Ruslan Əmircanov 34. Ürfan Abbasov (16. Ruslan Tağızadə) 4. Elvin Camalov (9. Viktor Mendi) 19. Aleksey Qay 6. Rəşad Sadiqov 14. Cavid Hüseynov (99. Tellur Mütəllimov) 27. Bəxtiyar Soltanov (90. Ekiqo Ehiosun) 18. Ruslan Fomin.
Qeyd edək ki, Türkiyə toplanışına yanvarın 28-də yekun vuracaq.
