Braziliya milli komandasının futbolçusu Neymar İspaniyanın "Barselona" klubu ilə müqaviləsini 2020-ci ilədək uzatmağa yaxındır. Sportnet.az-ın "Sport" nəşrinə istinadən məlumatına görə, 23 yaşlı hücumçu 2018-ci ilədək nəzərdə tutulan hazırkı anlaşmasını daha 2 il müddətinə yeniləyəcək.
Onun əmək haqqı isə ildə 12 milyon avro təşkil edəcək.
Qeyd edək ki, Neymar bu mövsüm İspaniya çempionatında 17 oyuna 14 qol vurub və 4 məhsuldar ötürmə verib.
