Futbol üzrə Azərbaycan Premyer Liqasında l tura yekun vurulub.
Sportnet.az-ın məlumatına görə, günün son matçında son çempion "Neftçi" "Qəbələ"ni qəbul edib.
Qarşılaşma 2:2 hesablı heç-heçə ilə başa çatıb.
İlk hissə qolsuz yekunlaşıb. 55-ci dəqiqədə meydan sahiblərinin heyətində Fəhmin Muradbəyli hesabı açıb. 67-ci dəqiqədə "qırmızı-qaralar"ın yeni transferi İsnik Alimi penaltini dəqiq yerinə yetirib.
76-cı dəqiqə isə "Neftçi"nin təcrübəli müdafiəçisi Voislav Stankoviç Emin Mahmudovun ötürməsindən sonra başla topu qapıdan keçirib. 84-cü dəqiqədə Ülvi İsgəndərov növbəti dəfə tarazlığı bərpa etməyə müvəffəq olub.
Qeyd edək ki, bu gün keçirilmiş "Zirə" - "Qarabağ" matçında qalib müəyyənləşməyib - 1:1. İlk oyun günündə "Səbail" səfərdə "Sabah"ı 1:0, "Sumqayıt" isə "Keşlə"ni 2:0 hesabı ilə üstələyib.
___________________________
Futbol üzrə Azərbaycan Premyer Liqasında ilk turun daha bir oyunu keçirilib.
Sportnet.az-ın məlumatına görə, "Zirə" doğma meydanda "Qarabağ"ı qəbul edib.
Qarşılaşma 1:1 hesabı ilə yekunlaşıb. 18-ci dəqiqədə Ağdam təmsilçisinin heyətində İsmayıl İbrahimli hesabı açıb. İlk hissədə başqa qol vurulmayıb. İkinci yarıda Təmkin Xəlilzadə 50-ci dəqiqədə penaltini dəqiq yerinə yetirməklə tarazlığı bərpa edib.
Qeyd edək ki, tura bu gün keçiriləcək "Neftçi" - "Qəbələ" matçı ilə yekun vurulacaq. İlk oyun günündə "Səbail" səfərdə "Sabah"ı 1:0, "Sumqayıt" isə "Keşlə"ni 2:0 hesabı ilə üstələyib.
_______'__________________________________________
Bu gün futbol üzrə Azərbaycan Premyer Liqasında ilk tura yekun vurulacaq.
Sportnet.az-ın məlumatına görə, son oyun günündə də iki qarşılaşma keçiriləcək.
Günün ilk matçı Zirədə yerli komanda ilə ötən mövsümün gümüş mükafatçısı "Qarabağ" arasında olacaq. Görüş saat 18:00-da start götürəcək. İki kollektiv ölkə çempionatında 23 dəfə üz-üzə gəlib. Bu oyunların 16-sı "köhlən atlar"ın xeyrinə başa çatıb. "Qartallar" isə indiyədək qələbə qazana bilməyib. 7 qarşılaşma heç-heçə başa çatıb. Qolların nisbətində də Ağdam klubunun aşkar üstünlüyü var - 49-11. “Qarabağ” son üç səfər oyununda top buraxmayıb.
Tura son çempion "Neftçi"nin oyunu ilə yekun vurulacaq. "Ağ-qaralar" "Bakcell Arena"da "Qəbələ" ilə münasibətlərinə aydınlıq gətirəcək. Matçın start fiti saat 20:00-da veriləcək. Bu, komandaların Premyer Liqada 52-ci görüşü olacaq. Əvvəlki 51 oyunun 24-də paytaxt klubu, 16-da əyalət təmsilçisi qalib gəlib. 11 oyunda isə bərabərlik qeydə alınıb. Flaqmanın vurduğu 75 qola, "qırmızı-qaralar" 62 topla cavab veriblər. “Qəbələ” son 9 matçda qalib gələ bilməyib. “Neftçi” 16 oyunda meydanı qolsuz tərk etməyib.
Azərbaycan Premyer Liqası
I tur
15 avqust (bazar)
18:00. “Zirə” – “Qarabağ” - 1:1
Qol: İsmayıl İbrahimli, 18 - Təmkin Xəlilzadə, 50 (p)
Hakimlər: Rauf Cabarov, Namiq Hüseynov, Cavanşir Yusifov, Rauf Allahverdiyev
Hakim-inspektor: İmanxan Sultani
AFFA nümayəndəsi: İlham Əliyev
Zirə İdman Kompleksinin stadionu.
20:00. “Neftçi” –“ Qəbələ” - 2:2 -
Qol: Fəhmin Muradbəyli, 55. Voislav Stankoviç, 76 - İsnik Alimi, 67 (p). Ülvi İsgəndərov, 84
Hakimlər: Elçin Məsiyev, Elşad Abdullayev, Cəmil Quliyev, Əliyar Ağayev
Hakim-inspektor: Anar Salmanov
AFFA nümayəndəsi: Seymur Səlimli
“Bakcell Arena”.
Qeyd edək ki, turun ilk oyun günündə "Sabah" "Səbail"i, "Keşlə" "Sumqayıt"ı qəbul edib.
