DÇ-2014-də ilk heç-heçə - YENİLƏNİB

Baş hakim: Karlos Vera (Ekvador)
Kuritiba, "Arena da Bayxada"

Start heyətlər

İran: 1. Əlirza Həqiqi, 2. Heydəri (Şocayi-89), 3. Haji Safi, 4. Hosseyni, 5. Sadeyi, 6. Nekunam, 14. Andronik Timotiyan (sarı vərəqə-76), 15. Montazeri, 16. Reza Qohanejat, 21. Dejaqa (Cahanbakş-78), 23. Poladi.

Nigeriya: 1. Enyeama, 5. Ambrose, 13. Oşaniva, 14. Oboabona (Yobo-30), 22. Omeruo, 10. Mikel, 17. Onazi, 15. Ramon Aziz (Odemvinqe-70), 7. Musa, 11. Viktor Moses (Ameobi-52), 9. Emenike.

 

Matçöncəsi maraqlı məqamlar 

İran mundiallrda bu günə qədər oynadığı 9 matçdakı yeganə qələbəsini 1998-ci ildə ABŞ-a qarşı (2-1) əldə edib.

- İran bu günədək mundiallarda oynadığı bütün matçlarda qol buraxıb.

- Nigeriya, DÇ-lərdə keçirdiyi son 8 matçda qələbəyə həsrət qalıb. Afrika təmsilçisi 2 heç-heçə, 6 məğlubiyətlə yadda qalıb.

- İki komanda arasında 1998-ci ildə oynanılan hazırlıq matçı Nigeriyanın 1:0 hesablı qələbəsi ilə yekunlaşıb.

- Nigeriyanın DÇ-2010-da vurduğu hər üç qol standart vəziyyət zamanı baş verib.

- Nigeriyanın "Lill”də forma geyən qapıçısı Vinsent Enyama ötən mövsüm 21 matçda qapısını toxunulmaz saxlayaraq, Avropada bütün həmkarlarını qabaqlayıb.

Oyun başlayır. 
3-ü dəq. Matçda ilk zərbə Mosesdən gəlir.

7-ci dəq. Ahmed Musa künc zərbəsindən sonra topu qapıdan keçirir. Lakin epizodda qapıçıya qarşı kobud oynadığı üçün qol qeydə alınmır.
9-cu dəq. Ardıcıl iki epizodda Nigeriya qola yaxın olur. Emenikenin zərbəsi təhlükəli alınır.
13-cü dəq. Moses sol cinahda iki oyunçunu keçir. Ötürmə anında top meydanı tərk edir.
18-ci dəq. Ambrosenin asmasında Həqiqi çıxışda səhvə yol vermir.
21-ci dəq. Obabona zədələnir. Futbolçu meydanı xərəklə tərk edir.
24-cü dəq. Az öncə zədələnən Obabona meydana qayıdır.
30-cu dəq. Obabona oyunu davam etdirə bilmir. O, Yozef Yobo ilə əvəzlənir.
31-ci dəq. Nigeriyalı Ahmed Musanın cərimə meydançasına təhlükəli ötürməsində Həqiqi yenə səhvsiz oynayır.
35-ci dəq. İran qola yaxın olur. Rezanın baş zərbəsinə Enyeama əla reaksiya göstərir.
45-ci dəq. Hakim ilk hissəyə 2 dəqiqə əlavə edir.
45+2-ci dəq. Hakim sönük keçən birinci hissəni bitirir.
Fasilə 

Birinci hissənin statistikası

İran                           Nigeriya

36% Topa nəzarət       64%

1     Küncdən zərbə      2

1     Of-sayd                   0

6     Qayda pozuntusu  7

0     Sarı vərəqə             0

0     Qırmızı vərəqə        0

İkinci hissə başladı.
48-ci dəq. Hissəyə aktiv başlayan tərəf afrikalılardır.
50-ci dəq. Rezanın zərbəsi təhlükəli alınır.
52-ci dəq. Nigeriyada Mosesi Şola Ameobi əvəz edir.
58-ci dəq. Emenike önünə düşən topa güclü zərbə endirsə də, qeyri-dəqiq alınır.
65-ci dəq. İranın sürətli əks-hücumu komandaya küncdən zərbə qazandırır.
67-ci dəq. Sağ cinahdan göndərilən ötürmədə Rezanın zərbəsi qeyri-dəqiq alınır.
70-ci dəq. Nigeriyada dəyişiklik: Ramon Aziz yerini Peter Odemvinqeyə verir.
76-cı dəq. Oyunda ilk sarı vərəqə Andronik Timotyana göstərilir.
77-ci dəq. Nigeriyanın qapısı qarşısında təhlükəli vəziyyət. Dejaqanın zərbəsi dəqiq alınmır.
78-ci dəq. Dejaqanın əvəzinə Əlireza Cahanbakş meydana çıxır.
81-ci dəq. Timotyanın zərbəsi qapıdan aralı keçir.
83-cü dəq. Odemvinqedən təhlükəli zərbə. Hakim əllə oyuna işarə edir.
89-cu dəq. İranda Xosro Heydərini Məsud Şocayi əvəz edir.
90+2-ci dəq. Hakim oyunu başa vurur.

Birinci hissənin statistikası

İran                           Nigeriya

36% Topa nəzarət       64%

2     Küncdən zərbə      7

1     Of-sayd                   0

18     Qayda pozuntusu  16

1     Sarı vərəqə             0

0     Qırmızı vərəqə        0

Matçın oyunçusu: Con Obi Mikel