Türkiyənin İstanbul şəhərində güləş üzrə gənclər arasında Avropa çempionatı keçirilir. Sportnet.az-ın məlumatına görə, çempionatın üçüncü günündə mübarizəyə qoşulan Leyla Qurbanova (51 kq) və Elis Manolova (67 kq) gümüş, Türkan Nəsirova (44 kq) isə bürünc medal qazanıb.
Bu gün gənc qızlar arasında 48, 55, 63 və 72 kq çəkidə qaliblər müəyyənləşəcək.
55 kq-da mübarizə aparan cari ilin U-23 Avropa çempionatının qalibi Alyona Kolesnik bu dəfə də finala qədər inamla irəliləyib. Ardıcıl olaraq Rusiya, Fransa və Estoniya idmançılarını mübarizədən kənarlaşdıran təmsilçimizin finalda rəqibi İtaliya güləşçisi olacaq.
63 kq çəki dərəcəsində yığmamızın üzvü Raqnetta Qurbanzadə İsveç və Rumıniyadan olan rəqiblərini üstələsə də, yarımfinalda Rusiya idmançısına məğlub olub. Güləşçimiz bürünc medal uğrunda həlledici görüşə çıxacaq.
72 kq-da mübarizə aparan Səbirə Əliyeva finala qədər inamla güləşib. Macarıstan, Polşa və Almaniya güləşçilərini mübarizədən kənarlaşdıran təmsilçimiz finalda Ukrayna komandasının üzvü ilə qarşılaşacaq.
48 kq
1/8 final - Ayan Məmmədova - Milana Dadaşeva (RUS) 0:8
Təsəlliverici görüş - Ayan Məmmədova - Suzana Seicariu (ROU) 4:6
55 kq
1/8 final - Maria Kuznetsova (RUS) - Alyona Kolesnik 6:6*
1/4 final - Alyona Kolesnik - Sonia Baudin (FRA) 6:2 (təmiz qələbə)
1/2 final - Alyona Kolesnik - Anastasia Krasnova (EST)
FİNAL - Patrizia Liuzzi (İTA) - Alyona Kolesnik
63 kq
1/8 final - Therese Persson (SWE) - Raqnetta Qurbanzadə 2:4
1/4 final - Alleksandar Amghez (ROU) - Raqnetta Qurbanzadə 10:2 (təmiz qələbə)
1/2 final - Raqnetta Qurbanzadə - Lyubov Ovçarova (RUS) 3:14
Bürünc medal görüşü - Raqnetta Qurbanzadə
72 kq
1/8 final - Vivien Szaraz (HUN) - Səbirə Əliyeva 0:11
1/4 final - Səbirə Əliyeva - Natalia Strzalka (POL) 4:0 (təmiz qələbə)
1/2 final - Səbirə Əliyeva - Francy Radelt (GER) 4:0 (təmiz qələbə)
FİNAL - Anastasia Şustova (UKR) - Səbirə Əliyeva
Yarışı canlı olaraq aşağıdakı linklərdən izləmək mümkündür. Final görüşləri Bakı vaxtı ilə saat 20:00-dan etibarən başlayacaq.
