Portuqaliyanın "Portu" klubunun futbolçusu Marat İzmaylov Rusiyanın "Krasnodar" klubuna keçib. Sportnet.az-ın "Sport-Ekspress"ə istinadən məlumatına görə, 31 yaşlı yarımmüdafiəçi ilə müqavilə gələn həftənin əvvəllərində rəsmiləşəcək.
Artıq tərəflər bütün məsələlərdə razılığa gəliblər. Üstəlik, söhbət icarədən yox, tamhüquqlu müqavilədən gedir.
Qeyd edək ki, Marat İzmaylov ötən mövsümün ikinci yarısını "Qəbələ"də baş məşqçi Yuri Syominin rəhbərliyi altında keçirib. İzmaylov Rusiya Premyer Liqasında daha çox Moskva "Lokomotiv"indəki (2000 - 2008) çıxışları ilə tanınır.
