"Qəbələ” daha bir futbolçunju heyətinə qatıb. Sportnet.az-ın məlumatına görə, Belarus milli komandasının yarımmüdafiəçisi Mixail Sivakovu 6 ay müddətinə Azərbaycan klubunun şərəfini qoruyacaq.
Minskin "Smena” klubunun yetirməsi olan Sivakov karyeraıs ərzində İtaliyanın "Kalyari”, "Pyaçentsa”, Polşanın "Visla”, Belçikanın "Zulte Varegem”, Belarusun BATE, "Qomel” və Ukraynanın "Çernomorets” klubunda top qovuq. Odessa təmsilçisində "Qəbələ”nin baş məşqçisi Roman Qriqorçukun rəhbərliyi altında çıxış edən 27 yaşlı futbolçu 4 dəfə Belarus, 1 dəfə Polşa çempionu olub və vətənində ölkə kuboku və Superkubokunu da qazanıb. 2004-cü ildən milli komandalara cəlb olunan Sivakov ölkəsinin U-17, U-19, U-21, olimpiya və əsas yığmalarının şərəfini qoruyub. 2010-cu ildən Belarus millisinin üzvü olan yarımmüdafiəçi ən böyük uğuruna U-21-in heyətində imza atıb. O, 2011-ci ildə Avropa çempionatının bürünc mükafatçısı olub.
Qeyd edək ki, "Qəbələ” Sivakova qədər Rəşad Sadiqov, ukraynalılar Aleksey Qay, Dmitri Bezotosnı və Ruslan Fomini heyətinə qatıb.
