Atletikanın qaçış növü üzrə 6 qat olimpiya çempionu Useyn Bolt karyerasını bitirəcəyi tarixi açıqlayıb. Sportnet.az-ın məlumatına görə, yamaykalı sprinter 2016-cı il Rio-de-Janeyro Yay Olimpiya Oyunlarından sonra idmandan gedəcəyini bildirib.
30 yaşlı idmançı deyib: "Bu dəqiqdir ki, Rio-2016 sonuncu olimpiadam olacaq. Daha 4 illik tsikli keçmək və arzuolunan motivasiyanı saxlamaq çətin olacaq. Xüsusən, hədəfə çata biləcəyim halda. Ən böyük arzum yenidən 3 qızıl medal qazanmaqdır. Buna köklənmişəm və məhz bunu istəyirəm. Habelə, 200 metri 19 saniyədən tez qaçmaq istəyirəm".
Qeyd edək ki, Useyn Bolt həm də 11 qat dünya çempionudur. Onun 200 metr məsafəyə rekordu 19,19 saniyədir.
