"Simurq" klubu yeni ildə ilk futbolçu transferini həyata keçirib. Sportnet.az-ın məlumatına görə, Zaqatala təmsilçisi Elnur Abdullayevlə növbəti mövsümün sonuna qədər müqavilə imzalayıb.
28 yaşlı yarımmüdafiəçi Zaqatala təmsilçisinin heyətində "7" nömrəli forma ilə çıxış edəcək.
Qeyd edək ki, Elnur Abdullayevin son klubu "Xəzər Lənkəran" olub. 2010-cu ildən Lənkəran təmsilçisinin heyətində forma geyinən təcrübəli yarımmüdafiəçi Premyer Liqada 162 oyuna 11 qol vurub. "Xəzər Lənkəran"dan qabaq isə o, "Muğan"da çıxış edib.
