Hollandiyanın "Feyenord" klubunun sabiq futbolçusu Ruben Sxaken Bakı "İnter"inə keçəcək. Sportnet.az-ın "Voetbal İnternational"a istinadən verdiyi məlumata görə, 32 yaşlı yarımmüdafiəçi ilə 1,5 illik müqavilə imzalanacaq.
Sxaken 5 ilə yaxındır çıxış etdiyi "Feyenord"la anlaşmasını bu yaxınlarda pozub. O, "İnter"ə azad agent statusu ilə keçəcək.
Qeyd edək ki, Ruben Sxaken peşəkar futbolçu karyerası ərzində Hollandiyanın "Kambür", "Vendam" və "Venlo" klublarında çıxış edib. O, 2012-ci ildən Hollandiya milli komandasına dəvət alıb və 3 oyuna 2 qol vurub.
