Bu gün ölkəmizin ilk idman kanalı - "İdman Azərbaycan”ın 7 yaşı tamam olur. Sportnet.az-ın məlumatına görə, telekanal 2009-cu ildə Azərbaycan Respublikasının prezidenti İlham Əliyevin şəxsi təşəbüsü ilə Azərbaycan Televiziya və Radio Verilişləri QSC-nin nəzdində yaradılıb.
Kanal 2009-cu il yanvarın 1-dən fevralın 1-nə qədər test yayımları keçirib. Kanal öz tamaşaçılarına futbol, voleybol, güləş, cüdo, yüngül atletika və digər idman növləri üzrə beynəlxalq yarışları izləmək imkanı yaradır.
"İdman Azərbaycan” kanalı bu günə kimi Azərbaycan milli futbol komandasının, Azərbaycan Premyer Liqasının, Azərbaycan kubokunun, İngiltərə Premyer Liqası, La Liqanın, İspaniya Kral Kubokunun, İtaliya A Seriyasının, Bundesliqanın, Ukrayna Premyer Liqasının, UEFA Çempionlar Liqasının və UEFA Avropa Liqasının seçmə və əsas mərhələlərinin, UEFA Superkubokunun, UEFA Avropa Kubokunun, FİFA Dünya Kubokunun, Olimpiya oyunlarının və 2015 Avropa Oyunlarının oyunlarını yayımlayıb.
1 sentyabr 2014-cü il tarixində 16:9 təsvir formatlı yayıma keçib.
12 oktyabr 2015-ci il tarixində isə 24 saatlıq yayım rejiminə, 6 noyabr 2015-ci il tarixində isə "HD" yayıma keçib.
Sportnet.az "İdman Azərbaycan”ın yaradıcılarını, orada çalışan həmkarlarımızı təbrik edir, onlara işlərində daha böyük uğurlar arzulayır.
