Bu gün Sportnet.az internet nəşrinin fəaliyyətə başlamasından 8 il ötür.
Sayt 2014-cü il mayın 15-də İdman Araşdırmalar Mərkəzinin (İAM) layihəsi kimi oxucularla görüşə gəlib. Çətin dövrə təsadüf etsə də, Sportnet.az ötən müddətdə sabit fəaliyyətini qorumağı bacarıb.
Sportnet.az bütün növlər üzrə ölkədaxili və beynəlxalq yarışları işıqlandıırır, Azərbaycan idmanının təbliği istiqamətində müxtəlif layihələr həyata keçirir. İnternet nəşrində mühüm olaylar barədə xəbərlər, reportajlar hazırlanır, müxtəlif mövzularda müsahibələr, araşdırmalar, təhlillər yer alır.
İdmandan əlavə, ötən il 44 günlük Vətən müharibəsi zamanı da Sportnet.az oxucuları daim operativ xəbərlərlə məlumatlandırıb, Ordumuzun zəfər yolundan yazllar dərc edib.
Builki ad günü İAM-ın və ETOPAZ-ın 10 illik yubileyi münasibətilə jurnalistlər arasında keçirilən mini-futbol üzrə Zəfər Kubokuna təsadüf edib. Bu gün keçiriləcək II tur qarşılaşmalarında Sportnet.az-ın 8 yaşı qeyd olunacaq.
8 yaşı münasibətilə Sportnet.az-la əməkdaşlıq edən qurumlara və indiyədək saytımızın uğurları üçün çalışmış bütün həmkarlarımıza təşəkkürümüzü bildirir, onları və sadiq oxucularımızı təbrik edirik...
