“Qarabağ”ın UEFA Çempionlar Liqasının əsas mərhələsindəki rəqibi “Çelsi" klubu İngiltərə Premyer Liqasında növbəti oyununu keçirib.

 

Sportnet.az xəbər verir ki, “zadəganlar” evdə "Fulhem" üzərində 2:0 hesablı qələbə qazanıb.

 

“Stemford Bric”də təşkil olunan görüşdə Joau Pedro (45+9) və Enzo Fernandes (56, pen.) fərqləniblər.

Matçın 14-cü dəqiqəsində London təmsilçisinin əsas hücumçusu Liem Delap zədələnərək meydanı tərk edib.

Enzo Mareskanın rəhbərlik etdiyi kollektiv 3 turdan sonra 7 xalla turnir cədvəlinin lideridir.

Qeyd edək ki, “Qarabağ”la “Çelsi” UEFA Çempionlar Liqasının IV turunda üz-üzə gələcəklər. Görüş noyabrın 5-də Bakıda keçiriləcək.