Moldovanın paytaxtı Kişineuda təlim-məşq toplanışında olan 19 yaşadək qadın futbolçulardan ibarət Azərbaycan milli komandası ikinci yoxlama oyununa çıxıb.
Sportnet.az xəbər verir ki, U-19 Moldovanın müvafiq yaş qrupundan ibarət komandası ilə qarşılaşıb.
CPSM stadionunda təşkil olunan görüşdə milli 2:0 hesablı qələbə qazanıb. Hər iki qolu Xanım Əsədova (27; 53) vurub.
Qeyd edək ki, bu komandalar arasında sentyabrın 16-da keçirilən ilk yoxlama oyununda da Azərbaycan millisi 2:0 hesablı qələbə qazanıb.
