"Bolqarıstana bəzi sənədləri düzəltməyə getmişdim və fürsətdən istifadə edərək "Levski"nin oyununa baxdım. Çünki futbol oynamağı sevdiyim kimi, baxmağı da sevirəm". Sportnet.az-ın məlumatına görə, bunu "Neftçi"nin futbolçusu Anyete klubun rəsmi saytına açıqlamasında deyib.
"Levski”yə qayıtmaq barəsində heç kimlə danışıq aparmadığını bildirən hücumçu orada müsahibə vermədiyini də söyləyib: "Mənə iki dəfə yaxınlaşıb müsahibə almaq istəsələr də razı olmadı. Bolqarıstan mediasında yer almış açıqlamalar isə həqiqəti əks etdirmir. Konkret deyim ki, "Levski"yə qayıdacağıma ümid edənləri sevindirə bilməyəcəm".
Anyete Bakı klubunda xoşbəxt olduğunu bildirib: "Neftçi"də xoşbəxtəm. Məşqçilər, komanda yoldaşlarım və rəhbərlik mənə böyük etimad göstərir, Azarkeşlərimiz isə sadəcə möhtəşəmdir. Mən bu etimadı doğrultmaq, azarkeşlərimizi qələbələrlə sevindirmək istəyirəm".
