Səudiyyə Ərəbistanı çempionatında "Əl-Şabab" - Əl-Kadisiya" matçı meydan sahiblərinin qapıçısı Valid Abdullanın saç düzümü üzündən dayandırılıb. Sportnet.az-ın məlumatına görə, qapıçının saç düzümü qonaq komandanın hücumçusunun narazılığı ilə qarşılanıb.
Nəticədə o, oyunun baş hakiminə müraciət edib, görüşdə pauza yaranıb. "Əl-Şabab"a oyunçunu dəyişdirmək və ya qolkiperin başının bəzi hissələrindən tükləri kəsməklə saç düzümünü qaydasına salmaq təklif olunub. Baş məşqçi ikinci variantı seçib. Qapıçı bundan necə təsirlənibsə, oyun zamanı 2 top buraxıb və komandası uduzub - 0:2.
Qeyd edək ki, anti-islam saç düzümləri barədə tələblər Səudiyyə Ərəbistanının Futbol Federasiyası və ölkənin Milli Olimpiya Komitəsi tərəfindən tətbiq olunub.
