"Zirə" klubunun futbolçusu Nelson Bonilya Salvador mətbuatına açıqlama verib. Sportnet.az-ın məlumatına görə, 26 yaşlı hücumçu transfer təkliflərinin olduğunu deyib.
Buna baxmayaraq Bonilya mövsümü "Zirə" ilə başa vuracağını söyləyib: "Agentim mənə inanır. Hazırda təkliflər var, ancaq dəqiq heç nə yoxdur".
Futbolçu Azərbaycan çempionatında çıxış etməkdən məmnunluğunu dilə gətirib: "Azərbaycanda oynamaq çətindir. Çünki 2 dəfə artıq çalışmalısan. Ancaq bu mənim xoşuma gəlir. Komandamla uğur qazanmağa çalışıram".
Qeyd edək ki, Nelson Bonilya hazırda 13 qolla Premyer Liqada bombardirlər siyahısına rəhbərlik edir.
