"İnter"in futbolçusu Rauf Əliyev uzun fasilədən sonra yaşıl meydana qayıdıb. Sportnet.az-ın məlumatına görə, ağır zədədən xeyli vaxtdır əziyyət çəkən təcrübəli hücumçu Premyer Liqanın 30-cu turunda "Kəpəz"lə səfər matçının 90+1-ci dəqiqəsində oyuna daxil olub.
Bununla da Əliyev 217 gündən sonra dönüb. Azərbaycan milli komandasının sabiq hücumçusu sonuncu dəfə 4-cü turda sentyabrın 12-də "Qəbələ"yə evdə 2:1 hesabı ilə qalib gəldikləri matçda oynayaraq 75-ci dəqiqədə əvəzlənmişdi. Rauf cərrahiyə əməliyyatı olunduqudan sonra 7 bərpa prosesi keçdi. O, "Kəpəz"lə oyun öncəsi əsas komandanın hazırlığına qatılmışdı.
