"Xəzər Lənkəran" Premyer Liqanın XXXI turunda "Qəbələ" ilə ev oyununa hazırlığa bu gün start verib. Sportnet.az-ın məlumatına görə, komanda iki günlük istirahətdən sonra Lənkərandakı bazasında gündə bir dəfə olmaqla məşqlərini davam etdirir.
Cənub təmsilçisinin son turda "Zirə" ilə səfər matçında zədələnən futbolçuları - Vüqar Bəybalayevlə Nodar Məmmədov həkim nəzarəti altında fərdi məşqlərə artıq başlayıblar. Hər iki müdafiəçinin matçda iştirakı oyun günü bəlli olacaq.
Xatırladaq ki, oyun aprelin 23-də saat 16.30-da "Xəzər Lənkəran” Mərkəzi Stadionunda başlayacaq.
