I Divizionda mübarizə aparan "Ağsu" klubu Rüfət Quliyevə kəsilmiş cəriməni ödəyə bilmir. Bu barədə Sportnet.az-a gənc mütəxəssisin özü məlumat verib.
Quliyev bu səbəbdən, XXIII turun "Şərurspor"la ev oyununu da tribunadan izlədiyini bildirib.
O, aprelin 12-də AFFA İntizam Komitəsi tərəfindən 1 oyunluq cəza və 100 manat cərimə kəsilib. Səbəb kimi baş məşqçinin "Bakılı" ilə XXI tur matçında texniki zona qaydalarını pozması göstərilib. Quliyev XXII turun "Göyəzən"lə səfər qarşılaşmasında cəzasını çəkib. Lakin cərimə Peşəkar Futbol Liqasının hesabına vaxtında ödənilmədiyi üçün o, "Şərurspor"la qarşılaşmada da texniki zonada yer ala bilməyib.
Qeyd edək ki, oyun "Ağsu"nun məğlubiyyəti ilə yekunlaşıb.
