"Qəbələ"nin sabiq baş məşqçisi Yuri Syominin yenidən Rusiya Premyer Liqasında çalışacağı gözlənilir. Sportnet.az-ın məlumatına görə, təcrübəli mütəxəssis "Rubin" klubunun baş məşqçi postuna namizədlərdən biridir.
Növbəti mövsümə yeni çalışdırıcı axtarışını davam etdirən Kazan tənsilçisi tanınmış rumıniyalı mütəxəssi George Hacının xidmətindən imtina edib. "Rubin"in namizədlər siyahısında Syominlə bərabər bir neçə rusiyalı mütəxəssis var ki, onlardan hətta birininin I divizonda çalışdığı bildirilir. Namizədlər arasında adı açıqlanmayan əcnəbi çalışdırıcılar da var.
Qeyd edək ki, cari mövsümə "Anji"nin baş məşqşçsi kimi başlayan, uğursuzluğa görə istefa verməli olan Syomin "Qəbələ"də işlədiyi 2013/14 mövsümündə bürünc medal qazandırıb.
