Böyük Britaniyanın gənc idmançıları arasında ən varlılarının siyahısı açıqlanıb. Sportnet.az-ın "Sunday Times" nəşrinə istinadən məlumatına görə, siyahıya İngiltərə "Mançester Yunayted"inin kapitanı Ueyn Runi başçılıq edir.
Onun 82 milyon funt sterlinq vəsaiti var. Runi "qırmızı şeytanlar"la müqaviləsi qarşılığında 300000 funt sterlinq qazanan Runi bir ilə gəlirlərini 10 milyona qaldırıb. Premyer Liqanın ən yüksək ödənişli futbolçusu Nike və Samsung kimi fərdi sponsorlardan da böyük məbləğdə qazanc əldə edib.
Sonrakı yerləri tennisçi Endi və Ceymi Mürrey qardaşları (birgə gəlirləri 58 milyon funt), habelə Rori Makilroy (56 milyon funt) tutub. "10-luğ"a digər futbolçular, o cümlədən, Serxio Aquero, David Silva, Samir Nəsri (hamısı "Mançester Siti"), Sesk Fabreqas, Radamel Falkao və Eden Azar (hamısı "Çelsi") də düşüb.
Qeyd edək ki, "Sunday Times" gənc idmançılara 30 yaşadək olanları şamil edib. Bu isə Ueyn Runinin reytinq siyahısına sonuncu dəfə düşməsi deməkdir.
