İtaliya A Seriyasında çıxış edən "Yuventus" bu tur çempionluğunu rəsmiləşdirə bilər. Sportnet.az-ın məlumatına görə, Turin təmsilçisi bunun üçün "Fiorentina" səfərindən qələbə ilə ayrılmalıdır.
34 turdan sonra 82 xalla turnir cədvəlinə liderlik edən "Yuventus"un ən yaxın izləyici "Napoli"nin aktivində 73 xal var. "Napoli"nin qarşıdakı 4 turda bu fərqi aradan qaldırması real görünmür. Amma bu komandanın çətin "Roma" səfərində xal itirməsi və "Yuve"nin 3 xal qazanması hazırkı liderin çempionluğu bayram etməsi deməkdir.
Qeyd edək ki, aprelin 24-də keçiriləcək "Fiorentina" - "Yuventus" oyunu Bakı vaxtı ilə 22:45-də başlayacaq. Aprelin 25-i saat 17:00-da isə "Roma" - "Napoli" oyunu keçiriləcək
