"Qarabağ"ın Çempionlar Liqasının III təsnifat mərhələsindəki potensial rəqibi "Viktoriya" klubu 2 futbolçusu ilə müqavilənin müddətini artırıb. Sportnet.az-ın Plzen klubunun rəsmi saytına istinadən məlumata görə, bunlar qapıçı Matuş Kozaçiklə müdafiəçi Roman Hubnikdir.
Hər iki futbolçuyla anlaşmanın müddəti 3 illiyə uzadılıb. Bununla da onlar yeni müqaviləyə əsasən 2019-cu ilə qədər "Viktoriya"nın şərəfini qoruyacaq. Kozaçik 2012-ci, Hubnik isə 2013-cü ildən Çexiya klubunda çıxış edir.
