"Qarabağ"ın futbolçusu Muarem Muarem Çempionlar Liqasında "Top 5"də yer alıb. Sportnet.az-ın məlumatına görə, makedoniyalı yarımmüdafiəçi ən çox oyundankənar vəziyyətlərə düşən 5 futbolçu arasındadır.
Muarem turnirin II təsnifat mərhələsində Lüksemburqun "Düdelanj" klubu ilə oyunlarda 4 dəfə ofsayda düşüb. O, Latviyanın "Metallurq" klubunun futbolçusu Vladimir Kamesslə birgə 4-5-ci pillələri bölüşdürür.
Bu göstəricidə lider isə 9 dəfə ofsayda düşən Uelsin TNS klubunun yarımmüdafiəçisi Ceym Mullandır.
Xatırladaq ki, "Qarabağ" III təsnifat mərhələsinə evdə 2:0 hesablı qələbə, səfərdə 1:1 hesablı heç-heçə ilə yüksəlib.
