"Qəbələ"nin fransalı hücumçusu Baqali Dabo Avropa Liqasında yenə "Top 5"də yer alıb. Sportnet.az-ın məlumatına görə, hücumçu bu dəfə ofsayda düşənlər siyahısınad qərarlaşıb.
Turnirdə keçirdiyi 4 oyunda 7 dəfə süni oyundankənar vəziyyətdə olan Dabo bu göstəriciyə görə rəqibləri ilə 2-4-cü pillələri bölüşdürür. Ən çox ofsayad düşən isə Şimali İrlandiyanın "Kliftonvill" klubunun hücumçusu Cey Donnellidir.
Xatırladaq ki, "Qəbələ" hələ ki qol hesabını açmayan Dabo 3 məhsuldar ötürmə ilə "Top 5"-ə düşmüşdü. Avropa Liqasının bombardirləri arasında da "qırmızı-qaralar"ın təmsilçisi var. Bu, liberiyalı yarımmüdafiəçi Teo Uiksdir. O, əvvəlkitək 5 qolla Mirko Mariç ("Lokomotiv", Zaqreb) və İvan Triçkovski (AEK, Larnaka) ilə birgə ilk üçlükdə yer alıb.
