Azərbaycan milli komandası 2018-ci il dünya çempionatının seçmə mərhələsində bütün oyunlarını eyni stadionda keçirməyəcək. AFFA-nın baş katibi Elxan Məmmədov Sportnet.az-a açıqlamasında 2 arena sifariş etməyi nəzərdə tutduqlarını bildirib.
Onun sözlərinə görə, stadionla bağlı rotasiya olacaq: "Çox güman ki, belə olacaq. Biz oyunların əksəriyyətini Bakı Olimpiya Stadionuna keçirməyi planlaşdırırdıq. Ancaq məsələyə baş məşqçi ilə baxdıq, düşündük. Gələn il ölkəmizdə İslam Həmrəyliyi Oyunları da olacaq. Bunların hamısı nəzərə alınaraq, digər stadionlar da istifadə olunacaq. UEFA-nın tövsiyyəsi var ki, seçmə mərhələdə bir stadion istifadə olunmalıdır. Biz artıq UEFA-ya məlumat göndərmişik ki, Bakıda 2 stadionda istifadə etmək hüququmuz olsun. Əsas stadion Bakı Olimpiya Stadionu olacaq. Ehtiyat variant ya "Bakcell Arena", ya da Tofiq Bəhramov adına Respublika stadionudur".
Mehman Süleymanov
