"Qarabağ"ın futbolçusu Əfran İsmayılov Avropa Liqasının "pley-off" mərhələsində İsveçin "Göteborq" komandası ilə keçiriləcək cavab görüşü haqda fikirlərini bildirib. Sportnet.az-a açıqlama verən yarımmüdafiəçi mərhələ adlayacaqlarına inandığını deyib.
O, yaxşı hazırlaşacaqları təqdirdə qələbə qazanacaqlarını söyləyib: "Göteborq"la çətin oyun olacaq. Bu səbəbdən oyuna yaxşı hazırlaşmalı və qələbə qazanmalıyıq. Belə olan halda mərhələ adlayan tərəf də biz olacağıq. İnanıram ki, oyun sonunda azarkeşlərimizi sevindirə biləcəyik".
Qeyd edək ki, avqustun 25-də Tofiq Bəhramov adına Respublika Stadionunda keçiriləcək "Qarabağ" - "Göteborq" oyunu saat 20:30-da başlayacaq. İlk görüş "Qarabağ"ın 0:1 hesablı məğlubiyyəti ilə başa çatıb.
